Лондоннинг “Арсенал” жамоаси “Манчестер Сити”дан яна бир футболчини таклиф қилмоқчи бўлди. Журналист Фабрицио Романо хабарига кўра, "канонирлар" кеча "Барселона"га ўтишини расман якунлаган ярим ҳимоячи Илкай Гюндоганни ўз сафларида кўришни хоҳлашган.
Манбанинг таъкидлашича, "Арсенал" Гюндоганни ўз лойиҳаси учун жуда муҳим футболчи сифатида кўрган, аммо футболчининг ўзи "Барселона"да ўйнашни орзу қилган, шунинг учун у Микель Артета жамоасидан бош тортган.
Эслатиб ўтамиз, Гюндоган эркин агент сифатида янги жамоага ўтди, чунки унинг "Манчестер Сити" билан шартномаси якунига етди.