"Barselona" ushbu transfer oynasida yarim himoyachi Frenki de Yongni sotishni istisno qilmayapti. O‘tgan yilgi mojarodan keyin futbolchi rahbariyat bilan munosabatlari yaxshilanganiga qaramay, uning sotilishi moliyaviy muammolarni hal qilish va yangi futbolchilarni ro‘yxatdan o‘tkazishda katta rol o‘ynashi mumkin.

Jurnalist Ashraf bin Ayadning so‘zlariga ko‘ra, "Barselona" rahbariyati Frenkining ketishi haqiqatan ham klubga yordam berishi mumkin deb hisoblamoqda. Ammo, futbolchining o‘zi hamon jamoadan ketishni istamayapti.

Eslatib o‘tamiz, de Yongga hozirda futbolchining "Ayaks"dagi sobiq murabbiyi Erik ten Xag ishlayotgan "Manchester Yunayted" va "Bavariya" kabi klublar qiziqish bildirmoqda.