"Барселона" ушбу трансфер ойнасида ярим ҳимоячи Френки де Йонгни сотишни истисно қилмаяпти. Ўтган йилги можародан кейин футболчи раҳбарият билан муносабатлари яхшиланганига қарамай, унинг сотилиши молиявий муаммоларни ҳал қилиш ва янги футболчиларни рўйхатдан ўтказишда катта роль ўйнаши мумкин.
Журналист Ашраф бин Аяднинг сўзларига кўра, "Барселона" раҳбарияти Френкининг кетиши ҳақиқатан ҳам клубга ёрдам бериши мумкин деб ҳисобламоқда. Аммо, футболчининг ўзи ҳамон жамоадан кетишни истамаяпти.
Эслатиб ўтамиз, де Йонгга ҳозирда футболчининг "Аякс"даги собиқ мураббийи Эрик тен Хаг ишлаётган "Манчестер Юнайтед" ва "Бавария" каби клублар қизиқиш билдирмоқда.