"Liverpul" transfer oynasining qolgan kunlarida kamida ikkita yangi yarim himoyachini o‘z safiga qo‘shib olmoqchi. Insayder Fabrisio Romanoning so‘zlariga ko‘ra, Yurgen Klopp jamoasi “Sautgempton”dan Romeo Laviyani sotib olishga qaror qilgan taqdirda ham, bu mersisaydliklarning “Nissa”dan Kefren Tyuramni transfer qilish rejalariga ta’sir qilmaydi.
Manbaga ko‘ra, "Liverpul" rahbariyati ikkala kelishuvni ham amalga oshirishga qarshi emas. Hozircha Tyuram va Laviya bo‘yicha muzokaralar ancha sekin ketmoqda. "Sautgempton" Chempionshipga tushib qolganiga qaramay, Romeo uchun taxminan 50 million yevro so‘ramoqda. "Nissa" Tyuram uchun qancha pul so‘ragani hozircha noma’lum, ammo bu summa "Liverpul"ni hali qoniqtirmadi.