"Ливерпуль" трансфер ойнасининг қолган кунларида камида иккита янги ярим ҳимоячини ўз сафига қўшиб олмоқчи. Инсайдер Фабрицио Романонинг сўзларига кўра, Юрген Клопп жамоаси “Саутгемптон”дан Ромео Лавияни сотиб олишга қарор қилган тақдирда ҳам, бу мерсисайдликларнинг “Ницца”дан Кефрен Тюрамни трансфер қилиш режаларига таъсир қилмайди.
Манбага кўра, "Ливерпуль" раҳбарияти иккала келишувни ҳам амалга оширишга қарши эмас. Ҳозирча Тюрам ва Лавия бўйича музокаралар анча секин кетмоқда. "Саутгемптон" Чемпионшипга тушиб қолганига қарамай, Ромео учун тахминан 50 миллион евро сўрамоқда. "Ницца" Тюрам учун қанча пул сўрагани ҳозирча номаълум, аммо бу сумма "Ливерпуль"ни ҳали қониқтирмади.
