"Fiorentina"ning himoyachi yarim himoyachisi Sofyan Amrabat yozgi transfer oynasida "Barselona"ga o‘tmaydi.
Sport.es nashriga malum bo‘lishicha, Kataloniya klubi Lionel Messi bilan shartnoma imzolaganidan so‘ng marokashlikni sotib olishni kutgandi. Shu tariqa, "Barselona" jamoasining markaziy o‘qini muvozanatlashtirmoqchi bo‘ldi. Biroq, Messi uchun kelishuv muvaffaqiyatsizlikka uchragach, "ko‘k-anorranglilar" 26 yoshli yarim himoyachini transfer qilishdan ma’no ko‘rmayapti. Ayni damda klub boshqa rejadagi futbolchilarga o‘tdi.
O‘tgan mavsumda Amrabat barcha turnirlarni hisobga olgan holda 49ta o‘yinda qatnashib, bitta golga assistentlik qilgan. Transfermarkt xabariga ko‘ra, yarim himoyachi 30 mln yevroga baholangan.