"Arsenal"ning Mikel Arteta qo‘l-ostida o‘sishi ayni damdagi jamoaning tarkibi qiymati bilan belgilanadi. Transfermarkt portali to‘pchilar futbolchilarini jami 976 million yevroga baholadi. Bu esa dunyoda "Manchester Siti"dan keyingi ikkinchi ko‘rsatkichdir. Bunga Gabriel Martinelli, Martin Edegor, Vilyam Saliba kabi yulduzlarning barqaror o‘yini sabab bo‘ldi. Ular klubga ilk marta kelganida hozirgidan bir necha barobar arzon bo‘lgan. Shuningdek, tarkibdagi javohir, eng qimmat futbolchi Bukayo Sakani alohida ta’kidlash joiz. U klub akademiyasidan chiqqan. Qolaversa, Emil Smit-Rou, Eddi Nketia va Reyss Nelson kabi tarbiyalanuvchilarning ham narxlari o‘sgan.
Mikel Arteta jamoaning muvaffaqiyatlafiga to‘xtalar ekan, bunga nima sabab bo‘lganini urg‘ulaydi:
"Bizda faqat birgina futbolchi sababli o‘sish kuzatilmadi. Bunda hammani ulushi bor. Biz murabbiylar o‘yinchilarga nima yaxshi bo‘lishini yaxshi anglagan holda, rejalar tuzamiz. Futbolchilar bir-birida kuch oladi va birga mehnat qilish orqali yangi darajaga chiqishadi. Albatta, hali qilinishi kerak bo‘lgan ishlar anchagina. Ammo liderlik qobiliyati jihatdan bizda yetarli vakillar bor. Futbolchilar qahramonlardir. Ammo ularning ortida katta guruhning mehnatlari yashiringan bo‘ladi. Siz esa ekranlarda faqat samarani guvohi bo‘lasiz. Futbolchilarga zarur narsalarni berish orqali, ularni jamoaga foydali qilish mumkin bo‘ladi".
"Arsenal" tarkibida haligacha katta zararga ishlagan futbolchilar bor. Masalan, hujumchi Nikolya Pepe, yarim himoyachilar Granit Jaka va Tomas Partilar avvalgiga qaraganda bir necha barobar arzonlab ketgan. Albatta, bu futbolchilar 30 yoshdan oshganini ham esdan chiqarmaslik kerak.
Quyida Transfermarkt bergan ma’lumotlar asosida "Arsenal" qaramog‘ida bo‘lgan har bir futbolchining klubga kelganidan beri narxlarida qanday o‘zgarish bo‘lganini ko‘rib chiqamiz (narxlar yevroda ko‘rsatgan).
1. Bukayo Saka – +113 million
2. Gabriel Martinelli – +75 million
3. Martin Edegor – +50 million
4. Vilyam Saliba – +42.5 million
5. Emil Smit-Rou – +32 million
6. Gabriel Magalyansh –+27 million
7. Folarin Balogun – +21 million
8. Aron Ramzdeyl – + 20 million
9. Eddi Nketia – +17 million
10. Ben Uayt – +15 million
11. Gabriel Jezus – +10 million
12. Oleksandr Zinchenko – +10 million
13. Reyss Nelson – +10 million
14. Rob Xolding – +6.5 million
15. Nunu Tavaresh – +5 million
16. Yakub Kivior – +5 million
17. Markinyos – +2 million
18. Uston Trasti – =
19. Kiran Tirni – =
20. Takexiro Tomiyasu – =
21. Jorjinyo – =
22. Leandro Trossard – =
23. Muhammad Elneni – =
24. Sambi Lokonga – -1 million
25. Fabiu Viyeyra – -5 million
26. Tomas Parti – -15 million
27. Granit Jaka – -15 million
28. Nikolya Pepe – -53 million.
ISMATOV J.
