"Арсенал"нинг Микель Артета қўл-остида ўсиши айни дамдаги жамоанинг таркиби қиймати билан белгиланади. Тransfermarkt портали тўпчилар футболчиларини жами 976 миллион еврога баҳолади. Бу эса дунёда "Манчестер Сити"дан кейинги иккинчи кўрсаткичдир. Бунга Габриэл Мартинелли, Мартин Эдегор, Вильям Салиба каби юлдузларнинг барқарор ўйини сабаб бўлди. Улар клубга илк марта келганида ҳозиргидан бир неча баробар арзон бўлган. Шунингдек, таркибдаги жавоҳир, энг қиммат футболчи Букайо Сакани алоҳида таъкидлаш жоиз. У клуб академиясидан чиққан. Қолаверса, Эмиль Смит-Роу, Эдди Нкетиа ва Рейсс Нелсон каби тарбияланувчиларнинг ҳам нархлари ўсган.
Микель Артета жамоанинг муваффақиятлафига тўхталар экан, бунга нима сабаб бўлганини урғулайди:
"Бизда фақат биргина футболчи сабабли ўсиш кузатилмади. Бунда ҳаммани улуши бор. Биз мураббийлар ўйинчиларга нима яхши бўлишини яхши англаган ҳолда, режалар тузамиз. Футболчилар бир-бирида куч олади ва бирга меҳнат қилиш орқали янги даражага чиқишади. Албатта, ҳали қилиниши керак бўлган ишлар анчагина. Аммо лидерлик қобилияти жиҳатдан бизда етарли вакиллар бор. Футболчилар қаҳрамонлардир. Аммо уларнинг ортида катта гуруҳнинг меҳнатлари яширинган бўлади. Сиз эса экранларда фақат самарани гувоҳи бўласиз. Футболчиларга зарур нарсаларни бериш орқали, уларни жамоага фойдали қилиш мумкин бўлади".
"Арсенал" таркибида ҳалигача катта зарарга ишлаган футболчилар бор. Масалан, ҳужумчи Николя Пепе, ярим ҳимоячилар Гранит Жака ва Томас Партилар аввалгига қараганда бир неча баробар арзонлаб кетган. Албатта, бу футболчилар 30 ёшдан ошганини ҳам эсдан чиқармаслик керак.
Қуйида Тransfermarkt берган маълумотлар асосида "Арсенал" қарамоғида бўлган ҳар бир футболчининг клубга келганидан бери нархларида қандай ўзгариш бўлганини кўриб чиқамиз (нархлар еврода кўрсатган).
1. Букайо Сака – +113 миллион
2. Габриэл Мартинелли – +75 миллион
3. Мартин Эдегор – +50 миллион
4. Вильям Салиба – +42.5 миллион
5. Эмиль Смит-Роу – +32 миллион
6. Габриэл Магалянш –+27 миллион
7. Фоларин Балогун – +21 миллион
8. Арон Рамздейл – + 20 миллион
9. Эдди Нкетиа – +17 миллион
10. Бен Уайт – +15 миллион
11. Габриэл Жезус – +10 миллион
12. Олександр Зинченко – +10 миллион
13. Рейсс Нелсон – +10 миллион
14. Роб Холдинг – +6.5 миллион
15. Нуну Тавареш – +5 миллион
16. Якуб Кивиор – +5 миллион
17. Маркиньос – +2 миллион
18. Устон Трасти – =
19. Киран Тирни – =
20. Такехиро Томиясу – =
21. Жоржиньо – =
22. Леандро Троссард – =
23. Муҳаммад Элнени – =
24. Самби Локонга – -1 миллион
25. Фабиу Виейра – -5 миллион
26. Томас Парти – -15 миллион
27. Гранит Жака – -15 миллион
28. Николя Пепе – -53 миллион.
ИСМАТОВ Ж.
