"PSJ"da bosh murabbiyni almashtirish jarayoni kechikmoqda.
Parijliklar Kristof Galtye bilan shartnomani bekor qilish shartlarini haligacha kelishib olmagan.
L'Equipe xabariga ko‘ra, klub iyul oyi boshiga qadar yangi murabbiy tayinlanishini e’lon qilishi dargumon - katta ehtimol bilan bu keyingi hafta sodir bo‘ladi. Qayd etilishicha, Galtyening ketishi biroz oldinroq rasman tasdiqlanishi mumkin.
Eslatib o‘tamiz, fransuz grandining yangi bosh murabbiyi, ko‘plab nufuzli manbalarga ko‘ra, Luis Enrike bo‘ladi.
