Yarim himoyachi Mateo Kovachich "Manchester Siti" bilan shartnoma imzolagani haqida fikr bildirdi.
“Bu men uchun hayratlanarli qadam va men boshlashni kuta olmayman. Gvardiola qo‘l ostida bu jamoani kuzatgan har bir kishi ular qanchalik yaxshi ekanini biladi - men uchun ular dunyoning eng zo‘ri.
"Siti"ga o‘tish - har qanday futbolchining orzusi. Hali o‘rganishim va rivojlantirishim kerak bo‘lgan ko‘p narsa bor va bilamanki, Xosep qo‘l ostida men yaxshiroq o‘yinchiga aylana olaman, bu meni juda xursand qiladi. Endi men bir necha hafta dam olishni va keyin Manchesterga qaytib, yangi mavsumga tayyorgarlik ko‘rishni rejalashtiryapman. Men bu klubga yuqori pog‘onada qolishga va ko‘proq sovrinlarni qo‘lga kiritishga yordam bermoqchiman", - deya Kovachichning so‘zlarini keltiradi klub matbuot xizmati.
29 yoshli xorvatning “shaharliklar” bilan shartnomasi 2027 yilgacha mo‘ljallangan.
2022/23 yilgi mavsumda Kovachich “Chelsi” safida barcha turnirlar doirasida 37 ta o‘yinda maydonga tushib, 2 ta gol urdi va 2 ta golli uzatmani amalga oshirdi. Transfermarkt portali futbolchining narxini 40 million yevroga baholamoqda.
