"Milan"ning sobiq futbolchisi Zlatan Ibrahimovich yarim himoyachi Sandro Tonalining jamoani tark etishi mumkinligi haqida fikr bildirdi.

Oldinroq 23 yoshli futbolchining "Milan"dan "Nyukasl"ga o‘tishi, transfer summasi bonuslarni hisobga olmaganda 70 million yevroni tashkil etishi xabar qilingandi.

“U Premyer-ligada yaxshi o‘ynashi mumkin. Menimcha, u tayyor. Albatta, hamma narsa unga bog‘liq. Men unga g‘alaba qozonish uchun qanday munosabatda bo‘lishi kerakligini aytdim va u g‘alaba qozondi. U "Milan"da juda ko‘p o‘sdi, uning zimmasida katta mas’uliyat bor va u o‘sishda davom etishi kerak. Ammo Angliyada u ajoyib ishni bajaradi", - deya Ibrahimovichning so‘zlarini keltiradi Sport Mediaset.

Tonali o‘tgan mavsumda “Milan” safida barcha turnirlarda 48 ta o‘yinda maydonga tushib, 2 ta gol urdi va 10 ta golli uzatmani amalga oshirdi. Transfermarkt portali futbolchining narxini 50 million yevroga baholamoqda.