"Minnesota Yunayted" "Norvich"ning sobiq hujumchisi Teemu Pukki bilan shartnoma imzoladi.
Klub matbuot xizmati xabariga ko‘ra, shartnoma 2025 yilning iyunigacha amal qiladi. Finlyandiyalik futbolchi viza va Xalqaro Transfer Sertifikatini (ITC) olgach, jamoa safiga qo‘shiladi.
5 aprel kuni "Norvich" Pukki yozda shartnomasi tugagach klubni tark etishini ma’lum qildi.
Pukki "Norvich"dagi besh mavsumdan so‘ng "Minnesota Yunayted" safiga qo‘shildi. U klub bilan Premyer-liganing eng yaxshi to‘purarlaridan biri bo‘lgan. Pukki 210 uchrashuvda qatnashib, 88 gol urdi va 29 golga assistentlik qildi.
Forvard shuningdek, “Sevilya”, “Shalke”, “Seltik”, “XIK” va “Brennbe” klublarida ham o‘ynagan.