"Bavariya" "Tottenxem" hujumchisi Xarri Keyn uchun yangi taklif bilan chiqishni rejalashtirmoqda.
CBS Sports jurnalisti Ben Jeykobsning yozishicha, Myunxen klubi Keyn uchun bonuslar bilan birga taxminan 93 million yevro taklif qilmoqchi. "Tottenxem" avvalgi pozisiyasiga amal qilmoqda - klub barcha tushayotgan takliflarni rad etish niyatida.
27 iyun kuni Myunxen klubi 29 yoshli futbolchini bonuslarni hisobga olmaganda 70 million yevroga sotib olish bo‘yicha rasmiy taklif bilan chiqdi. Biroq “Tottenxem” bu taklifni rad etdi.
Angliyalik futbolchining "shporlar" bilan shartnomasi 2024 yilning yozida yakuniga yetadi. Keyn o‘tgan mavsumda APLda 38 o‘yinda 30 gol urib, ikkinchi o‘rinni egalladi.