"Бавария" "Тоттенхэм" ҳужумчиси Харри Кейн учун янги таклиф билан чиқишни режалаштирмоқда.
CBS Sports журналисти Бен Жейкобснинг ёзишича, Мюнхен клуби Кейн учун бонуслар билан бирга тахминан 93 миллион евро таклиф қилмоқчи. "Тоттенхэм" аввалги позициясига амал қилмоқда - клуб барча тушаётган таклифларни рад этиш ниятида.
27 июн куни Мюнхен клуби 29 ёшли футболчини бонусларни ҳисобга олмаганда 70 миллион еврога сотиб олиш бўйича расмий таклиф билан чиқди. Бироқ “Тоттенхэм” бу таклифни рад этди.
Англиялик футболчининг "шпорлар" билан шартномаси 2024 йилнинг ёзида якунига етади. Кейн ўтган мавсумда АПЛда 38 ўйинда 30 гол уриб, иккинчи ўринни эгаллади.