"Arsenal" hujumchisi Kay Xavers 2020 yildan buyon o‘ynab kelgan "Chelsi" muxlislariga murojaat qildi.

“Yangi jamoaga o‘tishimdan oldin “Chelsi”ni tark etish haqidagi fikrlarimni eshitishingizni istardim. Bu mening uslubim emas va bu haqda shu tarzda eshitishingiz kerakligi meni xafa qiladi. Men bu maktubni barcha muxlislarga yozyapman. Barcha qo‘llab-quvvatlaganingiz uchun katta rahmat, biz birgalikda Chempionlar ligasida g‘alaba qozonish orzusini ro‘yobga chiqardik", - dedi "kanonirlar"ning yangi futbolchisi ijtimoiy tarmoqlarida.

Eslatib o‘tamiz, Kay Havers "ko‘klar" safida 139 uchrashuvda 32 ta gol urgan. Nemis futbolchisi "Chelsi" bilan Chempionlar ligasi, UEFA Superkubogi va klublar o‘rtasidagi jahon chempionatida g‘olib chiqdi.