"Арсенал" ҳужумчиси Кай Хаверц 2020 йилдан буён ўйнаб келган "Челси" мухлисларига мурожаат қилди.
“Янги жамоага ўтишимдан олдин “Челси”ни тарк этиш ҳақидаги фикрларимни эшитишингизни истардим. Бу менинг услубим эмас ва бу ҳақда шу тарзда эшитишингиз кераклиги мени хафа қилади. Мен бу мактубни барча мухлисларга ёзяпман. Барча қўллаб-қувватлаганингиз учун катта раҳмат, биз биргаликда Чемпионлар лигасида ғалаба қозониш орзусини рўёбга чиқардик", - деди "канонирлар"нинг янги футболчиси ижтимоий тармоқларида.
Эслатиб ўтамиз, Кай Ҳаверц "кўклар" сафида 139 учрашувда 32 та гол урган. Немис футболчиси "Челси" билан Чемпионлар лигаси, УEФА Суперкубоги ва клублар ўртасидаги жаҳон чемпионатида ғолиб чиқди.
