"PSJ" hujumchisi Kilian Mbappeni "Real"ga o‘tkazish bo‘yicha muzokaralar davom etmoqda. "The Athletic" jurnalistlari tomonlar o‘rtasidagi muloqotning yangi tafsilotlarini e’lon qildi.
Manba bergan xabarga ko‘ra, "qirollik" klubi rahbariyati 24 yoshli hujumchi kelasi mavsum oxirida erkin agent sifatida "Santyago Bernabeu"ga o‘tsa, unga qo‘shimcha bonus taklif qilishga tayyor. Bonus miqdori 130 million yevroni tashkil qiladi.
Oldinroq matbuotda "Real"ning Kilian uchun bahsdagi raqibi "Liverpul" ekanligi haqida xabarlar tarqalgan edi.
Mbappe "PSJ" bilan yangi shartnoma imzolashdan bosh tortdi. Hujumchining klub bilan amaldagi mehnat shartnomasi kelasi yilning o‘rtalariga qadar amal qiladi.