"ПСЖ" ҳужумчиси Килиан Мбаппени "Реал"га ўтказиш бўйича музокаралар давом этмоқда. "The Athletic" журналистлари томонлар ўртасидаги мулоқотнинг янги тафсилотларини эълон қилди.
Манба берган хабарга кўра, "қироллик" клуби раҳбарияти 24 ёшли ҳужумчи келаси мавсум охирида эркин агент сифатида "Сантьяго Бернабеу"га ўтса, унга қўшимча бонус таклиф қилишга тайёр. Бонус миқдори 130 миллион еврони ташкил қилади.
Олдинроқ матбуотда "Реал"нинг Килиан учун баҳсдаги рақиби "Ливерпуль" эканлиги ҳақида хабарлар тарқалган эди.
Мбаппе "ПСЖ" билан янги шартнома имзолашдан бош тортди. Ҳужумчининг клуб билан амалдаги меҳнат шартномаси келаси йилнинг ўрталарига қадар амал қилади.
