Joriy yilning 15 iyunidan boshlab Tailandda U-17 Osiyo kubogi bo‘lib o‘tayotgani va unda 3 nafar o‘zbekistonlik vakil ishtirok etayotgani haqida avvalroq xabar bergan edik.
Bugun, 29 iyun kuni Tailandning Pathum Thani shahridagi “Thammasat stadium”da o‘tkazilishi rejalashtirilgan 2 uchrashuvdan birida inspektorimiz ishtirok etadi. Unga ko‘ra, Vladislav Seytlin Osiyo kubogi yarim finalidan o‘rin olgan Yaponiya – Eron uchrashuvida nazoratchilik qilish uchun tayinlov olgan.
Ma’lumot uchun, ikkinchi yarim final bahsida O‘zbekiston U-17 terma jamoasi Janubiy Koreyalik tengdoshlariga qarshi saf tortishadi. Ushbu uchrashuv ham bugun bo‘lib o‘tishi rejalashtirilgan.
