Жорий йилнинг 15 июнидан бошлаб Таиландда U-17 Осиё кубоги бўлиб ўтаётгани ва унда 3 нафар ўзбекистонлик вакил иштирок этаётгани ҳақида аввалроқ хабар берган эдик.
Бугун, 29 июнь куни Таиланднинг Патҳум Тҳани шаҳридаги “Тҳаммасат стадиум”да ўтказилиши режалаштирилган 2 учрашувдан бирида инспекторимиз иштирок этади. Унга кўра, Владислав Цейтлин Осиё кубоги ярим финалидан ўрин олган Япония – Эрон учрашувида назоратчилик қилиш учун тайинлов олган.
Маълумот учун, иккинчи ярим финал баҳсида Ўзбекистон U-17 терма жамоаси Жанубий Кореялик тенгдошларига қарши саф тортишади. Ушбу учрашув ҳам бугун бўлиб ўтиши режалаштирилган.
