"Chelsi" bosh murabbiyi Maurisio Pochettino o‘z xodimlari bilan yarim himoyachi Konor Gallaxerda katta imkoniyatlarni ko‘rmoqda. Jurnalist Mett Louning so‘zlariga ko‘ra, argentinalik mutaxassislar shtabi yarim himoyachining harakatlaridan hayratda qolgan.

Shu bilan birga, manbaning ta’kidlashicha, Gallaxer shu yozda unga yaxshi pul taklif qilinsa, "Chelsi"ni tark etishi mumkin. Eslatib o‘tamiz, avvalroq ingliz futbolchisiga "Nyukasl" jiddiy qiziqish bildirgandi. “Chelsi” Gallaxer uchun taxminan 55 million yevro talab qilgan.

Konor Angliya Premyer-ligasining so‘nggi mavsumida uchta gol urdi va bitta golli uzatmani amalga oshirdi. O‘tgan mavsumda futbolchi "Kristal Pelas"da ijarada bo‘lganida APLda 8 ta gol va 3 ta golli uzatmani amalga oshirgandi.