"Челси" бош мураббийи Маурисио Почеттино ўз ходимлари билан ярим ҳимоячи Конор Галлахерда катта имкониятларни кўрмоқда. Журналист Мэтт Лоунинг сўзларига кўра, аргентиналик мутахассислар штаби ярим ҳимоячининг ҳаракатларидан ҳайратда қолган.
Шу билан бирга, манбанинг таъкидлашича, Галлахер шу ёзда унга яхши пул таклиф қилинса, "Челси"ни тарк этиши мумкин. Эслатиб ўтамиз, аввалроқ инглиз футболчисига "Ньюкасл" жиддий қизиқиш билдирганди. “Челси” Галлахер учун тахминан 55 миллион евро талаб қилган.
Конор Англия Премьер-лигасининг сўнгги мавсумида учта гол урди ва битта голли узатмани амалга оширди. Ўтган мавсумда футболчи "Кристал Пэлас"да ижарада бўлганида АПЛда 8 та гол ва 3 та голли узатмани амалга оширганди.
