"Inter" "Sassuolo" yarim himoyachisi Davide Fratteziga qiziqish bildirmoqda.

Milanliklar Marselo Brozovichning "An-Nasr"ga bo‘lajak transferidan tushgan mablag‘ni 23 yoshli italiyalik futbolchini transfer qilish uchun ishlatishni rejalashtirmoqda, deya xabar beradi insayder Fabrisio Romano.

Xabar qilinishicha, saudiyaliklar 30 yoshli xorvatiyalik “Inter” uchun 23 million yevro to‘laydi, “Sassuolo” esa Frattezini 40 millionga baholamoqda.

O‘tgan mavsumda Frattezi A Seriyaning 36 o‘yinida 7 ta gol urdi.