“Inter” yarim himoyachisi Marselo Brozovichga hamon “An-Nasr” qiziqish bildirmoqda.

Juma kuni ma’lum bo‘lishicha, Saudiya klubi avvalgidan kamroq qulay shartlarni taklif qilgani uchun transfer kelishuvi barbod bo‘lish arafasida edi.

Sky Sport nashri xabariga ko‘ra, muzokaralar bosqichma-bosqich davom etmoqda, transfer amalga oshishi mumkin. Har ikki klub vakillari murosa topa olishlariga ishonchlari komil.

"Barselona" ham Marselo Brozovichga da’vogarlar qatorida edi. Yaqinda Kataloniya klubi 30 yoshli yarim himoyachi uchun kurashni tark etishga qaror qildi.

Xorvat o‘tgan mavsumda “Inter” safida 40 o‘yinda maydonga tushib, 3 ta gol urdi va 6 ta golli uzatmani amalga oshirdi.