“Интер” ярим ҳимоячиси Марсело Брозовичга ҳамон “Ан-Наср” қизиқиш билдирмоқда.

Жума куни маълум бўлишича, Саудия клуби аввалгидан камроқ қулай шартларни таклиф қилгани учун трансфер келишуви барбод бўлиш арафасида эди.

Sky Sport нашри хабарига кўра, музокаралар босқичма-босқич давом этмоқда, трансфер амалга ошиши мумкин. Ҳар икки клуб вакиллари муроса топа олишларига ишончлари комил.

"Барселона" ҳам Марсело Брозовичга даъвогарлар қаторида эди. Яқинда Каталония клуби 30 ёшли ярим ҳимоячи учун курашни тарк этишга қарор қилди.

Хорват ўтган мавсумда “Интер” сафида 40 ўйинда майдонга тушиб, 3 та гол урди ва 6 та голли узатмани амалга оширди.