"Botafogo" o‘zining rasmiy saytida Luish Kashtruning bosh murabbiylikdan ketishini e’lon qildi.
"Ushbu juma kuni bosh murabbiy Luish Kashtru "Botafogo"ga xorij klubidan kelgan taklifni qabul qilish qarori haqida ma’lum qildi. Klub unga va murabbiylar shtabiga qilgan ishlari uchun minnatdorchilik bildiradi va ularning kelgusi faoliyatida omad tilaydi”, — deyiladi Braziliya klubi matbuot xizmatida.
Shu haftada 61 yoshli portugaliyalik mutaxassis Krishtianu Ronaldu harakat qiladigan “An-Nasr” taklifini qabul qilgani ma’lum bo‘ldi.
