Shotlandiyaning "Seltik" klubining portugaliyalik hujumchisi Jota "Al-Ittihod" bilan kelishuvga erishdi, deya xabar beradi insayder Fabrisio Romano.
Endi Saudiya klubi shotlandlar bilan tovon puli borasida kelishib olishi kerak. “Al-Ittihod” avvalroq N'Golo Kante va Karim Benzema bilan shartnoma imzolagan edi.
Jota "Benfika" tarbiyalanuvchisi. 24 yoshli futbolchi 2021 yilning yozida "Seltik"da o‘ynay boshlagan. O‘tgan mavsumda u 43 ta o‘yinda maydonga tushib, 15 ta gol urdi va 12 ta golli uzatmani amalga oshirdi.