Шотландиянинг "Селтик" клубининг португалиялик ҳужумчиси Жота "Ал-Иттиҳод" билан келишувга эришди, дея хабар беради инсайдер Фабрицио Романо.
Энди Саудия клуби шотландлар билан товон пули борасида келишиб олиши керак. “Ал-Иттиҳод” аввалроқ Н'Голо Канте ва Карим Бензема билан шартнома имзолаган эди.
Жота "Бенфика" тарбияланувчиси. 24 ёшли футболчи 2021 йилнинг ёзида "Селтик"да ўйнай бошлаган. Ўтган мавсумда у 43 та ўйинда майдонга тушиб, 15 та гол урди ва 12 та голли узатмани амалга оширди.