Ispaniyalik darvozabon David de Xea bugun, 1 iyul kuni erkin agentga aylandi. Darvozabonning “Manchester Yunayted” bilan shartnomasi yakuniga yetdi.
De Xea uzoq vaqtdan beri “qizil iblislar” bilan hamkorlikni uzaytirish borasida muzokaralar olib bormoqda, biroq tomonlar kelishuvga erisha olishmayapti. Shu bilan birga, David "mankunianliklar" klubida qolishi ham mumkin. Klub rahbariyati futbolchi bilan muzokara olib borishga yana bir urinib ko‘rmoqchi.
De Xea "Manchester Yunayted"da 2011 yildan buyon to‘p suradi. Ispaniyalik darvozabon o‘tgan mavsumda APL doirasida 38 ta o‘yin o‘tkazib, 43 ta gol o‘tkazib yuborgan.