"Manchester Yunayted"da ijarada o‘ynagan yarim himoyachi Marsel Zabitser ("Bavariya") va hujumchi Vout Vegxorst ("Byornli") jamoani tark etishini e’lon qildi.
"Bavariya" avstriyalik yarim himoyachini 15 million yevroga sotishga umid qilmoqda (Bild).
Angliya Premyer-ligasining 2022/2023 yilgi mavsumida Zabitser 11 uchrashuvda qatnashib, birorta ham gol urmadi va bitta golli uzatmani amalga oshirdi.
Vegxorst 17 ta o‘yinda maydonga tushib, samarali harakatlar amalga oshirmagan. O‘tgan mavsumning birinchi yarmida 30 yoshli niderlandiyalik futbolchi Turkiyaning "Beshiktosh" jamoasida ijara asosida o‘ynagandi.
