"Lion"ning 20 yoshli hujumchisi Bredli Barkola faoliyatini Germaniya chempionatida davom ettirishi mumkin. Insayder Fabrisio Romanoning yozishicha, hujumchi xizmatlariga “Leypsig” qiziqmoqda.
O‘z navbatida, "Lion" istiqbolli futbolchi bilan xayrlashishni istamayapti.
O‘tgan mavsumda Barkola Liga 1 va mamlakat kubogida 31 ta o‘yinda maydonga tushib, 7 ta gol va 9 ta golli uzatmani amalga oshirdi. Ayni damda Bredli yoshlar o‘rtasidagi Yevropa chempionatida Fransiya sharafini himoya qilmoqda.