"Chelsi"ning markaziy himoyachisi Levi Kolvill muntazam o‘yin amaliyotiga ega bo‘lishga umid qilmoqda.
20 yoshli futbolchi o‘tgan mavsumni "Brayton"da ijara asosida o‘tkazdi va "chaykalar" uni sotib olishga tayyor edi, ammo "Chelsi" o‘z tarbiyalanuvchisini qo‘yib yuborishdan bosh tortdi. Buning o‘rniga "ko‘klar" rahbariyati istiqbolli futbolchi bilan shartnomani uzaytirishni rejalashtirgan, ammo u shartnoma imzolashga shoshilmayapti. Sky Sports xabariga ko‘ra, Kolvill klubdagi kelajagiga ishonchi komil emas va yangi shartnoma bo‘yicha muzokaralar olib borishdan oldin murabbiy Maurisio Pochettino bilan o‘z pozisiyasini muhokama qilmoqchi.
Levi Kolvillning "Chelsi" bilan amaldagi shartnomasi 2025 yilgacha mo‘ljallangan.