"Челси"нинг марказий ҳимоячиси Леви Колвилл мунтазам ўйин амалиётига эга бўлишга умид қилмоқда.

20 ёшли футболчи ўтган мавсумни "Брайтон"да ижара асосида ўтказди ва "чайкалар" уни сотиб олишга тайёр эди, аммо "Челси" ўз тарбияланувчисини қўйиб юборишдан бош тортди. Бунинг ўрнига "кўклар" раҳбарияти истиқболли футболчи билан шартномани узайтиришни режалаштирган, аммо у шартнома имзолашга шошилмаяпти. Sky Sports хабарига кўра, Колвилл клубдаги келажагига ишончи комил эмас ва янги шартнома бўйича музокаралар олиб боришдан олдин мураббий Маурисио Почеттино билан ўз позициясини муҳокама қилмоқчи.

Леви Колвиллнинг "Челси" билан амалдаги шартномаси 2025 йилгача мўлжалланган.