"Leypsig" yarim himoyachisi Dominik Soboslai "Liverpul" bilan shartnoma imzoladi.
Transfermarkt ma’lumotlariga ko‘ra, 22 yoshli vinger mersisaydliklarning eng qimmat xaridlari 3taligiga kirdi - klub uning transferi uchun 70 million yevro to‘lagan. Birinchi o‘rinni himoyachi Virjil van Deyk 84,6 million, ikkinchi o‘rinni hujumchi Darvin Nunyes 80 million bilan egalladi.
Shuningdek, eng qimmat transferlar beshligidan darvozabon Alisson (62,5) va yarim himoyachi Nabi Keyta (60 million) joy oldi.
2022/23 yilgi mavsumda Dominik barcha turnirlarda 46 ta o‘yinda maydonga tushib, 10 ta gol urdi va 13 ta golli uzatmani amalga oshirdi. Uning "Leypsig" bilan shartnomasi 2026 yilning yoziga qadar amal qilar edi.