"Лейпциг" ярим ҳимоячиси Доминик Собослаи "Ливерпуль" билан шартнома имзолади.
Transfermarkt маълумотларига кўра, 22 ёшли вингер мерсисайдликларнинг энг қиммат харидлари 3талигига кирди - клуб унинг трансфери учун 70 миллион евро тўлаган. Биринчи ўринни ҳимоячи Виржил ван Дейк 84,6 миллион, иккинчи ўринни ҳужумчи Дарвин Нуньес 80 миллион билан эгаллади.
Шунингдек, энг қиммат трансферлар бешлигидан дарвозабон Алиссон (62,5) ва ярим ҳимоячи Наби Кейта (60 миллион) жой олди.
2022/23 йилги мавсумда Доминик барча турнирларда 46 та ўйинда майдонга тушиб, 10 та гол урди ва 13 та голли узатмани амалга оширди. Унинг "Лейпциг" билан шартномаси 2026 йилнинг ёзига қадар амал қилар эди.