"Inter Mayami" Jordi Alba va Serxio Ramosni o‘z safiga qo‘shib olishi mumkin.

Diario Sport xabariga ko‘ra, MLS klubi va Alba o‘rtasidagi muzokaralar yuqori bosqichda. "Barselona"ni tark etgan himoyachiga "Atletiko", "Inter", "Benfika" va Saudiya Arabistoni klublaridan takliflar bo‘lgan, biroq bu klublarning hech biri bilan muzokaralar natija bermagan.

Shuningdek, "Inter Mayami" mavsum oxirida "PSJ"ni shartnoma muddati tugaganidan keyin tark etgan Serxio Ramos bilan muzokaralar olib bormoqda. "Real"ning sobiq himoyachisiga Ispaniya va Saudiya Arabistonidan ham takliflar bor.

Avvalroq, Lionel Messi va Sergi Buskets "Inter Mayami"ga ko‘chib o‘tgandi.