"Интер Майами" Жорди Альба ва Серхио Рамосни ўз сафига қўшиб олиши мумкин.
Diario Sport хабарига кўра, МЛС клуби ва Альба ўртасидаги музокаралар юқори босқичда. "Барселона"ни тарк этган ҳимоячига "Атлетико", "Интер", "Бенфика" ва Саудия Арабистони клубларидан таклифлар бўлган, бироқ бу клубларнинг ҳеч бири билан музокаралар натижа бермаган.
Шунингдек, "Интер Майами" мавсум охирида "ПСЖ"ни шартнома муддати тугаганидан кейин тарк этган Серхио Рамос билан музокаралар олиб бормоқда. "Реал"нинг собиқ ҳимоячисига Испания ва Саудия Арабистонидан ҳам таклифлар бор.
Аввалроқ, Лионель Месси ва Серги Бускетс "Интер Майами"га кўчиб ўтганди.