Jurnalist Devid Ornshteynning xabar berishicha, "Chelsi" "Lion"dan vinger Kristian Pulishich bo‘yicha taklif olgan.
Manbaga ko‘ra, fransuz klubi "aristokratlar"ga 25 million yevro taklif qilgan. London klubi rahbariyati bu summadan qoniqish hosil qilgan. O‘tish tafsilotlari va futbolchining kelajakdagi sotuvidan olinadigan bonuslarni muhokama qilish qoladi.
2022/2023 yilgi mavsumda Pulishich "Chelsi" safida barcha turnirlarda 30 ta o‘yinda maydonga tushib, bitta gol va ikkita golli uzatmaga mualliflik qilgan. Futbolchining London klubi bilan shartnomasi 2024 yilning iyun oyi oxirigacha amal qiladi. Transfermarkt internet portaliga ko‘ra, futbolchining taxminiy narxi 25 million yevroni tashkil qiladi.
Avvalroq Pulishichga "Milan"dan qiziqish borligi haqida xabar berilgandi.