Журналист Девид Орнштейннинг хабар беришича, "Челси" "Лион"дан вингер Кристиан Пулишич бўйича таклиф олган.
Манбага кўра, француз клуби "аристократлар"га 25 миллион евро таклиф қилган. Лондон клуби раҳбарияти бу суммадан қониқиш ҳосил қилган. Ўтиш тафсилотлари ва футболчининг келажакдаги сотувидан олинадиган бонусларни муҳокама қилиш қолади.
2022/2023 йилги мавсумда Пулишич "Челси" сафида барча турнирларда 30 та ўйинда майдонга тушиб, битта гол ва иккита голли узатмага муаллифлик қилган. Футболчининг Лондон клуби билан шартномаси 2024 йилнинг июн ойи охиригача амал қилади. Transfermarkt интернет порталига кўра, футболчининг тахминий нархи 25 миллион еврони ташкил қилади.
Аввалроқ Пулишичга "Милан"дан қизиқиш борлиги ҳақида хабар берилганди.
