Fransiyaning “Lans” klubi rahbariyati belgiyalik hujumchi Lui Opendani sotishni rejalashtirmayapti.
Jurnalist Sasha Tavoliyerining so‘zlariga ko‘ra, Liga 1ning o‘tgan mavsum kumush medali sohiblari “RB Leypsig”ning uchinchi taklifini allaqachon rad etishgan.
Xabar qilinishicha, "Lans" hali ham Fransiya chempionatining eng yaxshi to‘purarlaridan biri uchun kamida 40 million yevro talab qilmoqda, "buqalar" esa bonuslarni hisobga olmaganda 30 million yevrodan ko‘proq pul to‘lashga tayyor emaslar.
Eslatib o‘tamiz, o‘tgan mavsumda Openda Liga 1da 21 ta gol urdi. Transfermarkt portali 23 yoshli hujumchining narxini 35 million yevroga baholab, uni mavsum yakunida Fransiya chempionatidagi eng qimmat futbolchiga aylantirdi.