"Brayton" rahbariyati Yevropa ligasidagi bo‘lajak ishtiroki oldidan tarkibni kuchaytirish imkoniyatlarini o‘rganmoqda.
Brighton Bubble xabariga ko‘ra, klub "Ayaks" himoyachisi Kelvin Bessini sotib olishga yaqin turibdi. Bitim summasi 15 dan 20 million yevrogacha bo‘lishi mumkin.
Xabar qilinishicha, barcha tomonlar kelishuv yaqin soatlarda yakunlanishi mumkinligiga umid qilmoqda.
Eslatib o‘tamiz, Bessi o‘tgan mavsumda "Reynjers"dan Gollandiya grandiga kelib qo‘shilgandi. Transfermarkt 23 yoshli nigeriyalik himoyachini 15 million yevroga baholamoqda.
