Madridning “Atletiko” klubi hujumchisi Alvaro Morata “Al-Ittifoq”ning nishoniga tushgan.
Saudiya klubi rahbariyati klubga Stiven Jerrard bosh murabbiy etib tayinlangach, tarkibni kuchaytirish niyatida.
“Al-Ittifoq” “Aston Villa”dan Filippe Koutinyoni sotib olmoqchi ekani avvalroq xabar qilingandi.
MailSport xabariga ko‘ra, Jerrard jamoasi safini yana bir taniqli futbolchi - Alvaro Morata kuchaytirishi mumkin, unga ham "Milan" da’vogarlik qilmoqda.
30 yoshli ispaniyalikning “Atletiko” bilan shartnomasi 2023/24-yilgi mavsum oxirida yakuniga yetadi. Transfermarkt hujumchining transfer qiymatini 20 million yevroga baholamoqda.