"Manchester Siti" "Leypsig" markaziy himoyachisi Yoshko Gvardiolning transfer narxi borasida kelisha olmaydi.
Xabaringiz bor, klublar hozirdanoq muzokaralar olib borishmoqda va 21 yoshli xorvatning o‘zi "shaharliklar" lageriga o‘tishga rozi bo‘ldi. Biroq, ingliz matbuotiga ko‘ra, "Leypsig"ning transfer talabi kelishuvga jiddiy to‘siq bo‘lishi mumkin.
"Buqalar" Gvardioldan taxminan 100 million yevro ishlab olishni rejalashtirmoqda va "Manchester Siti" moliyaviy feyr-pley qoidalari tufayli bu miqdorni taklif qila olmaydi, deya xabar beradi jurnalist Mark Duglas. Chempionlar ligasi va Premyer-liganing amaldagi g‘oliblari qimmat himoyachi bilan shartnoma imzolashdan oldin kimnidir sotishlari kerak bo‘lishi mumkin.