Chili terma jamoasi hujumchisi Ben Brereton Angliyaning "Blekbern" klubini tark etib, Ispaniyaning "Vilyarreal" klubiga o‘tdi. Bu haqda Ispaniya klubi rasmiy sayti xabar berdi. 24 yoshli hujumchining "sariq suvosti kemasi" bilan shartnomasi 2027 yilning o‘rtalariga qadar tuzilgan.
Yaqin kunlarda futbolchi tibbiy ko‘rikdan o‘tadi va shundan so‘ng u jamoa bilan mashg‘ulotlarga kirishadi.
Brereton o‘tgan mavsumda "Blekbern" safida 50ta o‘yinda maydonga tushib, 16ta gol urgan. Ispaniya chempionatining so‘nggi mavsumiga ko‘ra, “Vilyarreal” turnir jadvalida beshinchi o‘rinni egalladi.
