Чили терма жамоаси ҳужумчиси Бен Бреретон Англиянинг "Блэкберн" клубини тарк этиб, Испаниянинг "Вильярреал" клубига ўтди. Бу ҳақда Испания клуби расмий сайти хабар берди. 24 ёшли ҳужумчининг "сариқ сувости кемаси" билан шартномаси 2027 йилнинг ўрталарига қадар тузилган.

Яқин кунларда футболчи тиббий кўрикдан ўтади ва шундан сўнг у жамоа билан машғулотларга киришади.

Бреретон ўтган мавсумда "Блэкберн" сафида 50та ўйинда майдонга тушиб, 16та гол урган. Испания чемпионатининг сўнгги мавсумига кўра, “Вильярреал” турнир жадвалида бешинчи ўринни эгаллади.