RMC Sport xabariga ko‘ra, "Nissa" hujumchisi Kasper Dolberg "Anderlext"ga o‘tishga yaqin turibdi.
Manbaga ko‘ra, 25 yoshli daniyalikning transfer summasi 5 million yevroni tashkil qiladi.
Dolberg 2019 yilda "Nissa"ga ko‘chib o‘tgandi. Uning klub bilan amaldagi shartnomasi 2024 yilning 30 iyuniga qadar mo‘ljallangan. Transfermarkt portali futbolchini 7 million yevroga baholamoqda.
Hujumchi 2022/23 yilgi mavsumning birinchi yarmini “Sevilya”da o‘tkazgan bo‘lsa, ikkinchi yarmini “Xoffenxaym”da o‘ynadi. Umuman olganda, Dolberg o‘tgan mavsumda 22 ta o‘yin o‘tkazib, 2 ta gol urdi va 1 ta golli uzatmani amalga oshirdi.