Stanislav Cherchesov Saudiya Arabistoni taklifini rad etganini aytdi.

- Saudiya Arabistonida sodir bo‘layotgan voqealarga, bu jazavali transferlarga qanday qaraysiz?

- Biz buni allaqachon boshdan kechirganmiz: Yaponiya, Xitoy, Qatarda futbol "bum"i paydo bo‘ldi. Hozir Saudiya Arabistonida. Har qanday sportni faqat yulduzlar ommalashtirishi mumkin, shuning uchun butun sayyorada kuzatib boradigan o‘yinchilar taklif etiladi. To‘g‘ri, men u yerda qanday stadionlar va tomoshabinlar borligini bilmayman.

- Saudiya Arabistonidan sizga qiziqish borligi haqida ma’lumotlar bor edi. Haqiqtadan ham shundaymi?

- Agar imkon bersangiz, davomi bo‘lishi mumkin. Tom ma’noda yakshanba kuni ular qo‘ng‘iroq qilishdi va so‘rashdi, lekin men har doim "Ferensvarosh"ning bosh murabbiyi ekanligim haqida javob beraman, bu yerda menda aniq vazifalar va maqsadlarim bor" - dedi Rossiya terma jamoasining sobiq murabbiyi.

Cherchesov 2021 yilning dekabridan beri "Ferensvarosh"ga ustozlik qilib keladi. 59 yoshli mutaxassis jamoa bilan birgalikda ikki marta Vengriya chempioni bo‘lgan va bir marta Vengriya kubogini qo‘lga kiritgan.