"Milan" "Chelsi"ni vinger Kristian Pulishichni sotishga ko‘ndira olmadi.

24 yoshli futbolchi "Milan"ga o‘tishni xohlayotganini yashirmaydi, bu haqda "Chelsi" bir necha bor xabar qilgan. Insayder Fabrisio Romanoning so‘zlariga ko‘ra, klublar o‘rtasidagi muzokaralar uzoq davom etganiga qaramay, amerikalik o‘zining avvalgi kayfiyatini saqlab qolgan. “Rossonerilar” hozircha London klubining transfer narxiga qo‘ygan talablarini qondira olishmadi. Muzokaralar davom etmoqda.

Transfermarkt ma’lumotlariga ko‘ra Kristian Pulishich 25 million yevroga baholangan. Uning "Chelsi" bilan shartnomasi kelasi yil yozida tugaydi.