"Qizilqum" klubi darvozaboni Javohir Ilyosov birinchi davra haqida o‘z fikrlari bilan o‘rtoqlashdi.

— Albatta, birinchi davra biz xohlagan darajada boshlandi, deya olmayman. Shunga qaramay mavsumning birinchi qismini yaxshi notada yakunladik, deb o‘ylayman. Endi ikkinchi davrada mana shu yo‘qotilgan ochkolar o‘rnini to‘ldirishga harakat qilamiz. Uchrashuvlarda faqat va faqat g‘alaba uchun harakat qilamiz.

Undan tashqari yana bir narsani aytishim kerak, birinchi davrada jamoamiz mag‘lubiyatga uchraydimi, boshqa bir holat bo‘ladimi rahbariyatimiz bizni qo‘llab-quvvatlashdan to‘xtamadi va buning uchun ularga o‘z minatdorchiligimizni bildiraman.  Stadion xodimidan tortib, jamoamiz rahbarigacha barchasi biz uchun qulay sharoit yaratib berish uchun xarakatdan to‘xtashgani yo‘q.

— Siz birinchi davrada nimalarni kutgandingizu aslida nimalar bo‘ldi?
— Biz boshida yosh tarkib bilan mavsum davomida qiyin bo‘lishini bilgandik. Har bir uchrashuvda stabil o‘yin ko‘rsatish qiyinligini ham bilardik. Hamma o‘z imkoniyatidan kelib chiqib xarakat qildi. Aytib o‘tganimdek, boshida ko‘p narsa o‘xshamadi, lekin davra so‘nggini yaxshi ko‘rinishda yakunladik.