Qarshiliklar birinchi davrani 4-o‘rinda yakunladi. Vakillarimiz birinchi davradagi 13 bellashuvdan 12 tasini o‘tkazdi. Toshkentning “Paxtakor” jamoasi bilan bellashuv esa 15 avgustda bo‘lib o‘tishi rejalashtirilgan.
“Ajdarlar” birinchi davrada 12 bellashuvda maydonga tushib, 7 uchrashuvda g‘alaba, 3 marta durang va 2 marta mag‘lubiyatga uchrashdi. To‘plar nisbati 18-12 ni tashkil etmoqda. Vakillarimiz 24 ochko jamlagan holda turnir jadvalida 4 o‘rinni egallab turishibdi.
Husniddin Aliqulov himoyachi bo‘lishiga qaramasdan jamoamizning birinchi davradagi to‘purari bo‘lib turibdi. Uning hisobida 5 gol bor. Undan keyin Azizbek Amonov 2 ta, Mateus Lima Kruz 2ta, Alibek Davronov 2ta, Zafarmurod Abdirahmatov 1 ta, G‘olib G‘aybullayev 1 ta, Akmal Mozgovoy 1 ta, Javohir Sidiqov 1 ta, Sherzod Nasrullayev 1 ta va Oybek Bozorovning hisobda ham 1 gol bor. “Surxon”ga qarshi bellashuvda Artyom Potapov avtogol muallifiga aylangan.
Bo‘lib o‘tgan 12 bellashuvda Husniddin Aliqulov maydonda 1080 daqiqa harakat qilgan. Undan keyingi oʻrinlarda Sherzod Nasrullayev 1071 daqiqa, Oybek Bozorov 1049 daqiqa, Abduvohid Ne’matov 990 daqiqa, G‘olib G‘aybullayev 973 daqiqa, Akmal Mozgovoy 967 daqiqa, Umarbek Eshmurodov 900 daqiqa harakat qilgan.
Futbolchilar birinchi davrada hakamlar tomonidan 20 ta sariq kartochka va 3 qizil kartochka bilan jazolanishgan.
Eslatib o‘tamiz, jamoa 9 iyul kuni Qarshidagi qarorgohlarida yig‘ilib, ikkinchi davraga tayyorgarlikni davom ettiradi.
